गणराज रंगि नाचतो पायी घागर्या करती रुणझुण नाद स्वर्गी पोचतो कटी पीतांबर कसून भर्जरी बाल गजानन, नर्तनास करी तुंदिल तनु तरी चपल साजिरी लावण्ये साजतो नारद तुंबरु करिती गायन करी शारदा वीणा वादन ब्रम्हा धरितो, तालही रंगुन मृदंग धीमी वाजतो देवसभा घनदाट बैसली नृत्य गायने मने हर्षली गौरीसंगे स्वये सदाशिव शिशुकौतुक पाहतो
- शान्ता शेळके गायिका :लता मंगेशकर संगीत : हृदयनाथ मंगेशकर
घन राणी, साजणा मी कशी तुझ्यासवे चुकले वाट रे, सांग ना भिरभिर वार्याची, थरथर पाण्याची अवखळ सजणी मी, मनभर गाण्याची तरी बाई सूर नव नवे सुखद मधूर वाटतात हवे, यौवना मधूमय समय असा, बहरुन कुंज हसे तरळत गंध नवा, वय ते लावी पिसे इथे तिथे गोड निळेपण बावरते मन साद घाली कोण, यौवना किती अधीर, अधीर भाषा प्रीतीची मन माझे, मन माझे मन बोलत नाही ग माझे किती लाजे, किती लाजे वेडे लाजरे मन गं माझे एक शपथ, शपथ त्याला भितीची हृदया रे, अदया रे, बोल ना
- शान्ता शेळके
गायिका : आशा भोसले संगीत : श्रीधर फडके
ओलेत्या पानात, सोनिया उन्हात भरुन मेघ आले डहाळी जणू नवी नवरी हळद रंग ओले साद ओली पाखराची, ओढ जागे पावसाची डोहाळे या मातीला, सूर बोले थेंबातला वाटा आता कस्तुरी, गंध उमले कोंबातला थरारे मन, वारे नविन, सृजन रंग न्हाले स्वप्न लहरे नवे कांचनी, धून हरवे रानातूनी राधिका झाली बावरी, जन्म लहरे मुरलीवरी तृप्ती निराळी, उजळीत डोळी, स्वर हे कुठून आले हरपून दाही दिशा, ओढाळ झाल्या कशा शिणगार करती ऋतू, प्रीत स्पर्शात जाई उतू अभिसार न्यारा, हळवा शहारा, अरुपास रुप आले
- शान्ता शेळके गायिका : अनुराधा पौडवाल संगीत : श्रीधर फडके
तोच चंद्रमा नभात, तीच चैत्र यामिनी एकांती मज समीप, तीच तूही कामिनी नीरवता ती तशीच, धूंद तेच चांदणे छायांनी रेखियले, चित्र तेच देखणे जाईचा कुंज तोच, तीच गंधमोहीनी एकांती मज समीप, तीच तूही कामिनी सारे जरी ते तसेच, धुंदी आज ती कुठे मी ही तोच, तीच तूही, प्रीती आज ती कुठे ती न असता उरात, स्वन ते न लोचनी एकांती मज समीप, तीच तूही कामिनी त्या पहिल्या प्रीतीच्या, आज लोपल्या खुणा वाळल्या फुलात व्यर्थ, गंध शोधतो पुन्हा गीत ये न ते जुळून, भंगल्या सुरातुनी एकांती मज समीप, तीच तूही कामिनी
- शान्ता शेळके
संगीतकार,गायक:सुधीर फडके.
जय जय महाराष्ट्र माझा, गर्जा महाराष्ट्र माझा रेवा वरदा, कृष्ण कोयना, भद्रा गोदावरी एकपणाचे भरती पाणी मातीच्या घागरी भीमथडीच्या तट्टांना या यमुनेचे पाणी पाजा जय जय महाराष्ट्र माझा ... भीती न आम्हा तुझी मुळी ही गडगडणार्या नभा अस्मानाच्या सुलतानीला जवाब देती जीभा सह्याद्रीचा सिंह गर्जतो, शिवशंभू राजा दरीदरीतून नाद गुंजला महाराष्ट्र माझा काळ्या छातीवरी कोरली अभिमानाची लेणी पोलादी मनगटे खेळती खेळ जीवघेणी दारिद्र्याच्या उन्हात शिजला, निढ़ळाच्या घामाने भिजला देशगौरवासाठी झिजला दिल्लीचेही तख्त राखितो, महाराष्ट्र माझा
- शाहीर साबळे संगीत : श्रीनिवास खळे
शब्द शब्द जपून ठेव, बकुळीच्या फुलापरी काय बोलले न कळे, तू समजून घे सगळे लाविलीस ज्योत तूच या उदास अंतरी दुःख नको सुटताना, अश्रू नको वळताना मी मिटता लोचन हे, उमलशील तू उरी साक्ष लाख तार्यांची, स्तब्ध अचल वार्याची ज्योत बनून जळले रे, मी तुझ्या पथावरी
- मंगेश पाडगावकरगायिका : सुमन कल्याणपूरकर
भेट तुझी माझी स्मरते, अजून त्या दिसाची धुंद वादळाची होती रात्र पावसाची कुठे दिवा नव्हता, गगनी एकही न तारा आंधळ्या तमातून वाहे, आंधळाच वारा तुला मुळी नव्हती बाधा, भितीच्या विषाची क्षुद्र लौकिकाची खोटी झुगारुन नीती नावगाव टाकून आली अशी तुझी प्रीती तुला परी जाणिव नव्हती, तुझ्या साहसाची केस चिंब ओले होते, थेंब तुझ्या गाली ओठांवर माझ्या त्यांची किती फुले झाली श्वासांनी लिहीली गाथा, प्रीतीच्या रसाची सुगंधीच हळव्या शपथा, सुगंधीच श्वास स्वप्नातच स्वप्न दिसावे तसे सर्व भास सुखालाही भोवळ आली मधुर सुवासाची
- मंगेश पाडगावकरसंगीत : यशवंत देव गायक : अरुण दाते
